KIDUNG PANGELENG

 surupe suryo
Golek’o damar kang biso madhangno
Supoyo slamet ngadepi beboyo
Ono omah lan ono margo
Ijo kuning iku ono artine
Surupe suryo metu megane
Abange ilang karek petenge
Kating gemebyar Ka’bah bintange
Mulo sedulur sing ati-ati
Wis podho brutal nuruti ati
Imane ilang akeh sing mati
Podho pecah belah rebutan kursi
97 filter pamungkas
Salah lan bener bakale jelas
Bejo sing kuat atine waras
Ora kebimbang gulo lan beras
Ilingo Ka’bah simbule agomo
Tengahe bintang lambang Browijoyo
Bejo banget sopo sing mbelo
Menowo mati mlebu suwargo
Tahun 97 parek adile
Akeh wong wani benere dewe
Awak’e sehat rusak morale
Wis lali sanak lali dulure
Bapak ibu koyok buruhe
Ngendelno awak wis nyambut gawe
Ora eling asal usule
Nggedekno anak banget rekosone
97 jaman edan pungkasan
Atine peteng dalane padhang
Pitutur bener tambah ora doyan
Masjide sepi seneng dolanan
Iku dadi tondo peteng jagate
Donyane akeh bingung atine
Pangkate duwur wedi patine
Sebabe salah awak’e dewe
Gunung prahu menyang Suroboyo
Dadi pertondo akeh beboyo
Akeh sing apes ono ing margo
Sebabe ora nggowo gendero
Halaman : 1
Nomer : 2
Sabotase wis podho nyusul
Mahasiswa mangkrak prestasi nyusul
Niate apik pengin adil lan makmur
Putus asa teko akhire hancur
Mulo sedulur kudu sing ati-ati
Atine tatag jiwane suci
Supoyo toto lakune ati
Karepe tutug mulyo lan mukti
97 gawate zaman
Ora waspodo imane ilang
Ojo sembrono ngadepi zaman
Supoyo slamet tetepe iman
Dadi wong Jowo podho ngertiyo
Ora ninggalno adate kuno
Supoyo bener yen milih konco
Ora kebujuk Cino lan Londo
Bakale tumibo timbul iteme watu
Keleme gabus madhani kayu
Yen wis mengkono mesti muncul ratu
Kembar lakune sing siji palsu
Menowo kliru mesti ciloko
Mulo sedulur kudu waspodho
Supoyo slamet uripe mulyo
Tahun 97 bakal mesti muncul
Lali sanak lan lali dulur
Rebutan bener kepingin unggul
Podho petengen akhire ngawur
Tahun 97 gedhe-gedhene fitnah
Balane akeh tumibo salah
Pitutur bener tambah dibantah
Lamun mengkono rakyate susah
Peraturan ketat jamane bawur
Atine peteng lakune ngawur
Wis podho ajur sing mlaku jujur
Wong salah bungah dadine nganggur
Brutale jaman wis katok genah
Tuwo enom lanang wadon sampek bocah
Wong tuwo loro genah sing salah
Eman nggepuk anak naliko salah

Halaman : 2
Nomer : 3
Iku ngonoginaris zaman
Anane Qur’an mung kanggo darusa
Agomo wahe mung tinggal aran
Dununge Islam mung kanggo suguhan
Bangunan masjid podho jor-joran
Ketok’e apik mung kanggo pameran
Njerone sepi lawang kancingan
Kyaine males kurang bayaran
Iku dadi tondo parek kiamat
Sarune zaman ulama’e rakyat
Wis ora mikir rusak’e umat
Mikir awak’e pokok’e kramat
Akeh wong pinter ninggal waleran
Wis podho muncul kyai dadi dagelan
Iku dadi tondo petenge zaman
Yen ora ngono ora kumanan
Wujude peteng mesti tabrak’an
Rebutan bener dalile Qur’an
Sing siji wani bener bayaran
Sing siji moh kalah demi kebenaran
Mulo ilingo kanti waspodo
Supoyo slamet pengaruh palsune dewo
Akeh wong macak kyai sejatine germo
Ketok’e ngaji tapi dodol agomo
Akeh kyai wis wedi mlarat
Wis ora mikir rusak’e umat
Gelem ngaji mung krono berkat
Lamun mengkono dadi wong murtat
Mulo wong Islam kudu berfikir
Hukum agomo ing zaman akhir
Supoyo kuwat ngadepi wong kafir
Hukum negoro supoyo adil
Sing luwih elek anane kyai
Gelem berjuang mergo esak iki
Podho ngaji ora dilakoni
Omah apik duwe motor ora perduli
Rebutan weteng kanggo idaman
Pangkat lan drajat dadi royok’an
Wong wanito wis dadi pugeran
Iku tondone akhire zaman
Halaman : 3
Nomer : 4
Omah lan pangkat wis dadi agomo
Yen mengkono luwih asore kawulo
Sebabe alloh ora biso ngapuro
Sebab ngenthengno hukum agomo
Ojo sembrono ing tahun 98
Kudu wis ditoto ing 97
Bakale akeh wong podho padu
Lali sanak bopo lan lali guru
Yen pingin slamet sukses kudu bersatu
Sing tunggal agomo lan tunggal guru
Ojo selalu nuruti nafsu
Ngertiyo syetan manggon ing ilmu
Ilmune Alloh wis campur maksiat
Ora kroso ndadekno bejat
Iku tondone iman sekarat
Lamun ora trimo karek nunggu azab
Bendune Alloh mati ilang imane
Amale akeh ora ono iklase
Pokok’e dilem akeh balane
Ora di delok salah benere
Wong bodho kanggo podho ngertiyo
Pinter keblinger wis turut ndeso
Salah bungah teko deso lan kutho
Jujur lan bener dibenci konco
Dadine umat kabeh podho bingung
Tondo pil koplo wis turut kampung
Nglakoni dosa wis podho umum
Ora rumongso bakal kecemplung
Jurang neroko sing paling loro
Dadi wong munafik mungguh agomo
Ora nduwe pilihan mungguh gendero
Kabeh dielok’i mergone konco
Ngapik’i konco lan tonggo iku wajibe
Mungguh agomo ono ndonyane
Nglabuhi konco ojo dipadhakne
Kudu didelok salah benere
Supoyo silah mungguh tatanan
Dadine apik gak ngrusak pernatan
Supoyo pantes dadi wong iman
Ora kebimbang lakune syetan
Halaman : 4
Nomer : 5
Ojo kesusu seneng peh akeh balane
Yen durung genah salah benere
Perkoro salah mesti hancure
Senajan kuwat akeh mungguh balane
Perkoro bener mesti jejege
Sopo sing mbelo luhur drajate
Senajan thithik mesti menange
Payunge Alloh ono nduwure
Mbelani bener ojo wedi mati
Bisane tepak sregepo ngaji
Miliho guru sing jiwane suci
Supoyo ketemu madhangno ati
Sak’iki akeh guru karbitan
Dalile akeh mung liwat Koran
Sing ngaji temen kanggo tanggapan
Tuntunan macet dadi tontonan
Sing ketok banget akhire zaman
Karek sing bejo kuate iman
Ora kebimbang akeh dum-duman
Liwat Al-Qur’an isine syetan
Ketok’e madu isine racun
Lamun kepangan atine bingung
Ora biso bebas ngetrapno hokum
Keno kebujuk tinggalane Fir’aun
Iki si’iran kanggo ngilingno
Tumrap wong lali ninggalno kuno
Supoyo slamet uripe mulyo
Bejo yen mati mlebu suwargo
Ojok sampek katut brutale zaman
Kudu dipikir berdasar iman
Supoyo wujud lakune Islam
Biso menangi adile zaman
Adile zaman parek banget wujude
Rusak’e alam lahir batine
Darat lan laut wis berubah asale
Sebab maksiat akeh dosane
Ngajak apik lan bener malah disalahno
Mungkar gemebyar wis turut ndeso
Ora digubris lamun di elingno
Podho gak trimo nglumpukno bolo
Halaman : 5
Nomer : 6
Balane akeh banget kompake
Wis podho lali asal-usule
Ilmune lali ilang manfaate
Sebabe ngaji wis turut mbale
Ngajine gelem males solate
Ramene omah sepi langgar masjide
Iku ngetrepno mungguh hukume
Nglakoni sunat ninggalno wajibe
Wis dadi umum jarang sing kroso
Ninggalno wajib dadine duso
Masjide sepi demit sing nyobo
Langgare muncul gak nduwe dugo
Gonjang-ganjinge ndunyo banget panase
Akeh kobongan mergo tingkahe
Wong tuwo salah ora dirasakne
Ndadekno apik buntu dalane
Sebab kebone nyusuu gudele
Iki wis ketok banget salahe
Kepingin apik bener endi dalane
Wis dadi umum ndeso kuthone
Byarpete lampu iku nuduhno
Akehe damar gak biso madhangno
Lakune kyai tambah mbingungno
Ora karuan sing di antepno
Yen wis mengkono karek ngenteni
Bendune Alloh Kang Moho suci
Diajak bener tambah ngrasani
Ngedu konco dulur lan kyai
Sing ati-ati muncule Durno
Ono masjid langgar lan pendopo
Awak’e bodo mungguh agomo
Macak wong pinter nuruti konco
Arahe bener salah lakune
Wong sing pinter diajak manut awak’e
Lamun ora gelem ngadoh srawungane
Iku berbahaya mungguh hukume
Dadi wong murtat mesti tumibo
Lakune salah mungguh hukum agomo
Kepingin apik ora gelem nggenahno
Nyono sing salah iku nggedhekno duso
Halaman : 6

Nomer : 7
Lamun mengkono ngesakno banget
Marang wong Islam ngibadahe sregeb
Gugon tuhon kepingin slamet
Ketemu menungso syetan sing raket
Akeh wong adzan ono ing masjid
Senenge main lakune demit
Jarene kapok yen ora duwe duit
Lamun wis penak lali sobo masjid
Subuhe keri ono kebonan
Awak’e kesel mikir tanggungan
Nyawang sing wedok ora duwe perasaan
Lamun dikongkon dadi tukaran